Оқушыларды 2022-2023 оқу жылына қабылдау

Қазақстан Республикасы Мәдениет және спорт министрлігінің «Ахмет Жұбанов атындағы дарынды балаларға арналған республикалық қазақ мамандандырылған музыка мектепинтернаты» республикалық мемлекеттік мекемесі 20222023 оқу жылына 1сыныпқа келесі мамандықтар бойынша конкурстық қабылдау жариялайды:

  • арнайы фортепиано;
  • ішекті аспаптар (скрипка, альт, виолончель, контрабас);
  • үрлемелі және ұрмалы аспаптар (флейта, гобой, кларнет, фагот,  валторна, труба, тромбон, туба, саксофон және ұрмалы аспаптар);
  • халық аспаптары (домбыра, домбра-прима, қобыз-прима, қыл қобыз, баян).  

Дарынды балаларға арналған мамандандырылған музыка мектебінде білім алу үшін конкурстық қабылдауға айрықша музыкалық қабілеті бар, мектепалды дайындықтан  өткен 6-7 жастағы балалар жіберіледі.

Конкурс 3 кезеңнен тұрады:

I кезең – табиғи музыкалық қабілеттерінің болуын тексеруге арналған тестілеу (музыкалық есте сақтау, есту, ырғақ, интонация және т.б.), аспапқа  бейімділігі, ойнау аппаратының сәйкестігі және т. б.

II кезең – музыкалық есте сақтау қабілетін анықтауға арналған тестілеу (тапсырма күрделенеді: 4 және одан да көп тактілі әуен үзінділері орындалады,  күрделенген ырғақты тапсырмалар беріледі, ал дайындығы бар балалар үшін аспапта бірнеше шығарма орындау ұсынылады).

III кезең – баланың музыкалық дарынды балаларға арналған мектепте оқуға психологиялық дайындығын тестілеу (жеке дайындығы – эмоционалдық тұрақтылығы). Интеллектуалдық дайындығы: жалпы дамуы, ой өрісі, сөздік  қоры, ауызекі сөйлеу тілі, ұсақ заттармен іс-қимыл жасауды меңгеруі, танымдық процестерінің дамуы (зейін, есте сақтау, ойлау, елестету), ақпаратты талдау, жинақтау, жүйелеу мүмкіндіктері, қорытынды жасай алуы. Әлеуметтік-психологиялық дайындығы: баланың басқа балалармен қолайлы қарым-қатынас орната білуі, бірлесе жұмыс істей білуі, тыңдай білуі мен қоғамдық тәртіп нормаларын сақтауы.

         Мектеп ережесіне сәйкес 3 кезеңнен өткен және 3 кезең қорытындысы бойынша жоғары балл жинаған талапкерлер 1-сыныпқа қабылданады. Баланы аспаптар бойынша мамандықтарға бөлу – комиссия құзырында.

         Мектепте білім беру қазақ тілінде жүргізіледі. Оқу мерзімі – 12 жыл. Қазақстанның алыс аудандарынан және облыстарынан келіп түскен балаларды мектеп жанындағы интернатқа қабылдау тұрғылықты жерінде тіркелгенін растаған жағдайда (электрондық үкімет (e-gov) порталы арқылы мәлімет) жүзеге асырылады. Өтініш берген сәтте мекенжайды растайтын құжат скриншоты құжаттармен қоса беріледі.

1сыныпқа түсу үшін құжаттарды қабылдау – 2022 жылғы 131 мамыр аралығында жүргізіледі.

Конкурсқа қатысу  үшін қажетті құжаттар:

  • № 1 қосымшаға сәйкес мектеп директорының атына өтініш;
  • туу туралы куәліктің көшірмесі;
  • фотосурет 3 х 4;
  • медициналық құжаттардың түпнұсқалары: денсаулық паспорты, жеке медициналық карта (№26 форма), профилактикалық егу картасы (№63 форма);

Іріктеу конкурсының өткізілетін уақыты:

I кезең – 2 маусым сағат 09:00 – тыңдау;

II кезең – 4 маусым сағат 09:00 – тыңдау, тест;

III кезең – 6 маусым сағат 09:00 – тыңдау және психологиялық тест.

7 маусым – қабылдау комиссиясының қорытынды отырысы.

8 маусым – емтихан қорытындысы жарияланады.

Біздің мекен-жайымыз: Алматы қ., Әуезов к-сі, 66/5

Анықтама телефондары: 8 (727) 375 55 42;

Ата-аналардың (немесе өзге де заңды өкілдердің) назарына!!!

  • Коронавирустық инфекцияның таралуының алдын алу мақсатында санитарлықдезинфекциялық режим қатаң сақталуы қажет;
  • кез келген аурудың белгілері, дене қызуы  бар үміткерді әкелмеу;
  • үміткерді конкурстық турға кешіктірмей алып келіп, тыңдау аяқталғаннан кейін бірден алып кету;
  • конкурстың әр кезеңі, әрбір үміткердің конкурстық орындауы бейнежазбаға жазылып алынады;
  • комиссия құрамы мектеп ұстаздарынан, қоғам өкілдерінен, «Адалдық алаңы» жобалық кеңсесінің өкілдерінен құралады. Комиссия төрағасы – мектеп директоры;
  • ата-аналар аппеляцияға өтініш беруге құқылы;
  • аппеляцияның комиссиялық құрамы конкурстық комиссия мүшелерінен өзге тұлғалардан (5 адам) құрылады.