Бүгін А.Жұбанов атындағы РҚМММИ-де ардагер ұстаз Галина Алексеевна Мелькованың құрметіне арналған мемориалдық тақтаның ашылуы өтті.
Бұл ерекше шараға ұстазымыздың әріптестері, шәкірттері және мектеп қауымы жиналды.
Галина Алексеевна көптеген жылдар бойы, яғни 50 жылдан астам еңбек етіп, жас ұрпаққа терең білім мен тәрбие сіңірген, өмірі өнегеге толы ұстаз еді.
Оның шәкірттері бүгінгі шарада ұстаздарының тек сабақ беруші ғана емес, өмірге жол сілтеген дана тұлға екенін еске алды.
Мемориалдық тақта ұстазымыздың еңбегін еске салып, оның рухани мұрасын болашаққа жеткізеді. Бұл тақта тек естелік емес, ұрпаққа үлгі болар мәңгілік белгі.
Галина Алексеевна сияқты ұстаздар есімі уақытпен бірге ұмытылмай, кейінгі ұрпақтың санасында мәңгі сақталмақ.
