Интернат меңгерушісі

Темірбекова Қарлығаш Әлиасқарқызы

1957жылы 10 шілдеде Жамбыл облысында дүниеге келген. 1976-1981 жылдары Алматы қаласының шет тілдер институты «Француз және неміс тілі» мамандығы бойынша білім алған.

Қазақстан Республикасының мемлекеттік наградаларымен марапатталған:

  1. 2004 жылы Білім беру саласындағы ерекше еңбегі үшін «Қазақстан

Республикасы Білім беру ісінің құрметті қызметкері

  • 2014 жылы Қазақстан Республикасы Білім және ғылым министірлігінің Құрмет грамотасы
  • 2015 жыл «Ы.Алтынсарин» төсбелгісі

          Темірбекова Карлыгаш Алияскаркызы осы өнер ордасында қызмет еткеніне 37 жыл болды. Білімі – жоғары. Санаты – жоғары. Аталмыш  мекемеде 1982 жылдан бастап қызмет етуде.  Қазіргі таңда тәрбиешілер әдістемелік бірлестігінің жетекшісі, интернат меңгерушісі болып қызмет етеді. Бала тәрбиелеу ісімен қатар интернат тәрбиешілері әдістемелік жұмыстармен де айналысып, өзінің жұмыстарын республикалық әр түрлі басылымдарда жарыққа шығарды. «Жақсының өзі өлсе де, аты өлмейді», «Отбасындағы тәрбиенің ерекшеліктері» Тәрбие сағаты журналында, «Интернатта оқып жүр талай қазақ баласы…», «Бала болашағымыз», «Интернат – өз үйің!» атты мақалалары газет-журнал беттерінде жарық көрді. Педагогикалық қызметкерлердің біліктілігін арттыру институты «Өрлеу» біліктілікті арттыру ұлттық орталығы» «Интернат мекемелерінде инновациялық педагогикалық технологияларды ендіруді әдістемелік қолдау» тақырыбында өз білімін көтерді.

«Қазақстандық патриотизм – «Мәңгілік Ел» идеясының түпқазығы» атты ұстаздар мен оқушылардың Республикалық семинар бағдарламасы негізінде «Мәңгілік Ел – жарқын болашақтың бастауы» жұмысымен қашықтықтан қатысып, I дәрежелі дипломмен марапатталды.           Мектебімізде өзіне тиесілі мәртебесі бар, сөзі мен ісі бір арнаға тоғысқан, жетістіктерімен мақтанбайтын, бірақ бала жүрегінен үлкен орын алатын, іскер ұйымдастырушы, жанашыр, әр тәрбиеленушінің қуанышы мен қайғысын бірге бөлісіп жүрген, қамқор басшы, интернат меңгерушісі – Қарлығаш Алияскаркызы Темірбекованың мектеп өмірінен  алатын орны ерекше. Ол басқарып отырған тәрбиешілер ұжымы, баланың қоршаған ортадағы  қарым-қатынасын, салауатты өмір сүруін, дүние танымын, өмірге деген көзқарасын және соған сай мінез-құлқын қалыптастырып, ұлттық және қоғамдық құндылықты меңгерген ой-өрісі мен ойлау дәрежесі биік, кәсіби мәртебесі жоғары, тән сұлулығы мен жан сұлулығы жарасқан, ар-ожданы мол, ізетті, парасатты өнер азаматын тәрбиелеп, балаларға интернатта өзінің жанұясындай сезінуіне жағдай жасайды. Қазақстанның түкпір-түкпірінен келген 6-7 жастағы балаға алыстағы ата-анасының орнына шын аналық сезіммен қарап, өзінің бойындағы адамгершілік қасиетімен балаларға үлгі – өнеге бола отырып, оқушылардың ұлттық санасын оятуға түрткі болардай ой тастап, биіктерге жетелейтін армандарының орындалуына шын аналық сезіммен қарайтын, өз уақытын басқаның уақыты үшін жұмсайтын үлкен психолог ұстаз. 37 жылда тәлім –тәрбие берген оқушылары еліміздің түкпір-түкпіріндегі үлкен өнер шаңырақтарында еңбек етіп жүрген кәсіби мәртебесі биік ұлтжанды патриот азаматтар. Жыл сайын жас тәрбиешілермен әдістемелік жұмыстар жүргізіліп тұрады.