Мектебіміздің арнайы фортепиано бөлімінің ұстазы, ҚР Білім беру ісінің үздігі, ҚР Мәдениет қайраткері, «ҚҰРМЕТ» орденінің иегері Мелькова Галина Алексеевнаның мұғалімдік қызметіне 50 жылдық мерейтойлық концерті өтті.
⠀
Галина Алексеевна жарты ғасыр бойы оқушылардың музыкалық қабілеттерін ашып, жеке тұлға ретінде қалыптасуларына зор еңбек сіңірді. Бүгінгі шәкірттерінің қойылымы соның бір дәлелі. Мерейтойға арнайы Нұр-Сұлтан қаласынан келген шәкірттері мен мектеп оқушылары өз өнерлерін көрсетіп, ұстаздарына арнап фортепианода концерттік пьеса жазып, хор айтып, ақ тілектерін білдірді.
⠀
Өмірде де өнерде де шәкірттерінің азамат болып қалыптасуларына жол ашып, әлі күнге дейін адал еңбек етіп келеді. Бүгінде мектеп түлектері өнерде өз жолдарын тауып, халықтың ықыласына бөленіп келеді.
⠀
Галина Алексеевнаға шексіз алғыс айта отырып, алдағы уақытта да көптеген лауреаттар тәрбиелеп, еңбегі бағаланып, денсаулығы мықты, өмір жасы ұзақ болсын деп тілейміз!
