26 ақпан күні Республика сарайында Абай Құнанбайұлының 175 жылдығына арналған кеш өтті

Қала әкімі Бақытжан Сағынтаев, мәдениет қайраткерлері, қала тұрғындары қатысқан поэзия кешінде мектебіміздің скрипкашылары (Жетекшісі Набиева Ж.О.) өнер көрсетіп, 3 «А» сынып оқушылары: Ерназар Амир, Өмірбек Аяулым
(Сынып жетекшісі: Рыскулова А .А.) және 2 «А» сынып оқушысы Нурали Айым
(Сынып жетекшісі: Нусипбекова А. С.) сахнада Абайдың өлеңдерін оқыды.

Абайдың мұрасын кең насихаттау мақсатында өткен кеште, көрермендер де атсалысып, Абайдың өлеңдерін жатқа айтты.

«Абайдың мол мұрасы қазақ ұлтының жаңа сапасын қалыптастыруға қызмет етеді. Оның шығармаларындағы ой-тұжырымдар әрбір жастың бойында халқына, елі мен жеріне деген патриоттық сезімді орнықтырады. Сондықтан хакім Абай еңбектерінің нәрін өскелең ұрпақтың санасына сіңіру және өмірлік азығына айналдыру – ұлтты жаңғыртуға жол ашатын маңызды қадамның бірі», деп ҚР Президенті Қасым-Жомарт Тоқаев айтып өткендей, әлемдік руханиятқа сарқылмас қазына қосқан ұлтымыздың ұлы ақыны Абай Құнанбайұлының мұрасын кең ауқымды түрде дәріптеу арқылы біз болашағымызды нығайтамыз.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған