«MAESTRO» халықаралық концерттік фестивалінде хор дирижерлеу бөлімінің оқушысы Абдрахман Мадина II орын лауреаты атанып, Ереван қаласына саяхаттап қайтты. Ұстазы Альфия Берікбосынқызы Ахаева алғыс хатпен марапатталды. Maestro халықаралық музыкалық байқау-фестивалі 2022 жылы қоғамдық ұйыммен құрылған. Оның негізгі мақсаты – індеттен кейінгі кезеңде жас өнерпаздардың музыкалық және орындаушылық шеберліктерін арттыру, түрлі ұлт өнерпаздарының басын қосып, бірлесе жұмыс істеу, музыка өнерін кеңінен насихаттау. Ағымдағы жылдың мамыр-маусым айларында Қазақстан, Австрия, Италия, Қырғызстан, Ресей Федерациясы және Армения Республикасынан 470 музыкалық орындаушы қатысты – 7 номинация бойынша «Maestro» I Халықаралық музыкалық байқау-фестивалі өтті. Қатысушылардың өнерін әртүрлі санаттағы халықаралық қазылар алқасы бағалады. Мадинаны құттықтаймыз және алар асулары көп болсын деп тілейміз!
![](https://jubanov.kz/wp-content/uploads/2022/10/305707938_1247535416008380_1690591168996168285_n.jpg)