Рәсім барысында, байқаудың қазылар алқасына алғыс хаттар мен арнайы сыйлықтар табыс етілді. Қазылар алқасының мүшелері кәсіби өнер майталмандары, олардың жоғары бағалары мен кәсіби пікірлері қатысушылар үшін үлкен ынталандыру болды.
Байқаудың қорытындысында жеңімпаздар анықталып, марапатталды. Олардың өнерлерінің жоғары бағаланып, сахнада жарқырап тұрған сәттері көпшіліктің көңілінен шықты.
Қазылар алқасы байқауға қатысушыларға өз тілектерін білдіріп, олардың талантына жоғары баға берді. Олар жас орындаушылардың өнердегі жаңашылдығы мен шығармашылығын атап өтті. Сонымен қатар, байқау ұйымдастырушыларына шынайы алғыстарын айтып, осындай ауқымды шараны өткізудің маңыздылығын ерекше атап өтті. Ұйымдастырушылардың еңбегі мен қолдауы жастардың өнер жолындағы жетістіктерін арттыруға зор ықпал ететініне сенім білдірді.
Бұл жоба жастардың өнерге деген қызығушылығын арттырып, шығармашылық қабілеттерін дамытуға үлкен мүмкіндік берді. Ахмет Жұбановтың мұрасын дәріптейтін осындай байқаулар өнер әлемінде маңызды рөл атқарады.
