Мектеп мерейтойы қарсаңында Өңірлік коммуникациялар қызметі орталығында БАҚ өкілдерімен пресс-конференция өтті. Шараға Қазақстан Республикасының Еңбек сіңірген қайраткері, мектеп директоры Нұркен Нұрғалиұлы, Қазақстан Республикасының Білім беру ісінің құрметті қызметкері Айгүл Қайыржанқызы және халықаралық конкурстардың лауреаты, 11 сынып оқушысы Саят Нурали қатысты.
Пресс-конференция барысында мектептің жетістіктері мен даму жолдары, оқушылардың шығармашылық табыстары және алдағы жоспарлар туралы сөз болды. Нұркен Нұрғалиұлы мектептің жеткен жетістіктеріне тоқталып, білім саласында атқарылып жатқан жұмыстар мен жоспарланған жаңа жобаларға назар аударды. Айгүл Қайыржанқызы ұстаздық қызметіндегі жаңашылдықтар мен шәкірттерінің шығармашылық қабілеттерін дамытуға бағытталған жұмысын баяндап, өзінің педагогикалық тәжірибесімен бөлісті. Саят Нурали халықаралық байқаулардағы жетістіктерін атап өтіп, болашақта одан әрі үлкен жетістіктерге жетуді армандайтынын айтты.
Мектептің мерейтойы аясында атқарылатын іс-шаралар мен тың жобалар да талқыланды.
