Ұстаздар күні – білім мен тәрбиенің ұлы жолында аянбай еңбек етіп, шәкірт жүрегіне ізгілік нұрын себетін абзал жандарға арналған мерейлі мереке.
Бүгін мектебіміздің төрі ерекше мерекелік сәнге бөленді. Таңғы алтын араймен бірге оқушылар мен мектеп әкімшілігі ұстаздарын ыстық ықыласпен қарсы алды. Мектеп ауласына кірген әр ұстазға гүл шоқтары табысталып, балғын жүректердің шынайы тілектері мен шат күлкілері шуақ болып төгілді. Бұл сәт – ұстаз еңбегіне деген ризашылықтың, ұстаздық жолдың қадір-қасиетіне деген тағзымның айқын көрінісі еді.
Әуезді әуен жүректерді тербеп, мектеп дәліздері мерекелік шаттыққа толды. Әрбір шәкірттің көзіндегі қуаныш пен алғыс нұры ұстазға деген махаббаттың, сенімнің айнасы іспетті болды. Мектеп әкімшілігінің де ықылас-құрметі ұстаздар мәртебесін асқақтата түсті.
Ұстаз – шәкірт жүрегіне жол табатын даналық иесі, болашаққа бағыт-бағдар беретін темірқазық. Бүгінгі қошемет – сол еңбектің жемісі мен шәкірттің жүрек қалауынан туған ыстық ықыласы.
Бұл күн – ұстазға тағзым, еңбегіне құрмет, жүрегіне алғыс айту күні.
